نوێنەرانی ڕێکخراوی ئازادیی لاوانی کوردستان بەشداریان کرد لە خولی (سەرکردایەتی سیاسی لاوان، ڕۆژهەڵاتی ناوەڕاست و باکوری ئەفریقا) لە ووڵاتی ئوردن.

لە ڕۆژانی ١٣ و ۱٤ /٩ / ٢٠٢٥، وەفدێکی لاوان و گەنجانی یەکێتیی نیشتمانیی کوردستان بە نوێنەرایەتی پەیوەندییەکانی دەرەوە سەردانی عەممانی پایتەختی شانشینی ئوردنیان کرد و بەشدارییان لە خولێکی (سەرکردایەتی سیاسی لاوان، ڕۆژهەڵاتی ناوەڕاست و باکوری ئەفریقا) کرد، کە بەشداربووانی خولەکە کچان و کوڕانی لاوی حیزبە سۆسیالیستیەکانی ووڵاتانی عێراق، ئوردن، لوبنان، فەلەستین، میسر و تونس بوون.

خولی سەرکردایەتی سیاسی لاوان، ڕۆژهەڵاتی ناوەڕاست و باکوری ئەفریقا، لەلایەن سەنتەری بەهێزکردنی کۆمەڵگا لە عەممانی پایتەختی ئوردن بە پاڵپشتی پارتی کرێکارانی بەریتانیا و دامەزراوەی وێست مینیستەر بۆ دیموکراسی، بەسەرپەشتی دامەزراوەی FMS ی هۆڵەندی ڕێکخرابوو.