بەڕێزان سکرتێر و سکرتاریەت و ئەندامانی رێکخراوی ئازادی لاوانی کوردستان.
لە یادی 26 ساڵەی دامەزراندنی رێکخراوەکەتاندا لە دڵەوە پیرۆزبایی گەرم لە ئێوە و تەواوی لاوانی کوردستان دەکەم و هیوای سەرکەوتنی زیاترتان بۆ دەخوازم.
لای ئێمە لاوان و گەنجان پێگەیەکی تایبەتیان هەیە و هەمیشە باوەڕم وایە هیچ پێشکەوتن و گۆڕانکارییەک لە هەرێمەکەمان بەبێ بەشداریی کارای لاوان بەدینایەت، بۆیە ئەرکی هەموولایەکە هاوکارتان بن و پێزانینیان هەبێت بۆ ئەو خزمەتە گەورەیەی پێشکەشی دەکەن و خۆشم پشتیوانیی بەردەوامتان دەبم.
هیوادارم بە سوودبینین لە پێشکەوتنەکانی سەردەم هاریکار و رێگەنیشاندەری لاوان بن تاوەکو ئەوانیش بە گیانێکی داهێنەرانەوە هەوڵی بەرەوپێشبردنی کوردستانەکەمان بدەن.
بافڵ جەلال تاڵەبانی
سەرۆکی یەکێتیی نیشتمانیی کوردستان
