بەڕێزان سکرتێر و ئەندامانی سکرتاریەتی ڕێکخراوی ئازادی لاوانی کوردستان
لەیادی بیست و شەش ساڵەی دامەزراندنی ڕێکخراوەکەتاندا پیرۆزباییەکی گەرمتان ئاڕاستە دەکەین وئومێدی سەرکەوتنی هەمیشەییتان بۆ دەخوازین.
لە مێژووی تێکۆشانی گەلەکەمان و لەنێو ڕیزەکانی یەکێتیی نیشتمانیی کوردستاندا لاوان پێشەنگ و داینەمۆی کاروانی گشت قۆناغەکانی خەبات بوون ،هەر بۆیە بیست و شەش ساڵ لەمەوبەر بەهەمان گیان و هەناسەی تێکۆشانی سیاسی ئەوێ ڕۆژەوە و ئەمجارەیان لەتێکۆشانی ڕێکخراوەییدا و لەپێناو بەدیهێنانی ئامانج و خواستەکانی لاوان ، ڕێکخراوی ئازادی لاوان دامەزراوە و لەو ساتەوە تاوەکو ئیمڕۆ ڕێکخراوەکەتان توانیویەتی لەڕێگەی چالاکیە جۆراوجۆرەکانەوە لەگەشە پێدان و هۆشیاری و بەشێکی وەدیهاتنی هیوا و ئومێدەکانی لاواندا جێگە دەستی دیار بێت.
هیوادارین لە هەنگاوەکانی ئایندەی ڕێکخراوی ئازادی لاواندا بە گوڕ و تینی زیاترەوە تێبکۆشن بۆ خزمەتی بەردەوام و جێبەجێکردنی هیواو ئومێدی گشت لاوانی کوردستان.
مەکتەبی سیاسی
یەکێتیی نیشتمانیی کوردستان
